Ginpabilib han mga Filipina candidates an audience ha preliminary evening gown competition han Miss Grand International All Stars nga ginbuhat dida han Miyerkules ha Bangkok.
Live nga gintagan hin puntos han walo nga hurado an kada kandidata samtang narampa ha entablado, kun diin real-time gihapon nga iginpakita ha screen an ira indibidwal ngan average scores.
Nanguna ha mga Filipina candidates hi Gazini Ganados nga mayda average score nga 9.39. Umabot ha 9.9 an iya pinakahitaas nga score samtang 9 naman an pinakahamubo. Kapansin-pansin naman an iya emerald green nga fitted gown nga ginternuhan hin bright pink shawl.
Nag ikaduha naman hi Imelda Schweighart nga nakaghipatik hin average score nga 8.65. Nakakuha hiya hin pinakahitaas nga score nga 10 ngan pinakahamubo nga 7.5 samtang narampa sul-ot an simple pero sexy nga black gown nga mayda sheer outlines.
Sumunod naman hi Fuschia Anne Ravena nga mayda average score nga 8.26. Nakakuha hiya hin highest score nga 9.9 ngan lowest nga 6. Sul-ot niya an off-shoulder beige gown nga mayda plunging neckline ngan hanging beads.
Samtang, naghopatik hi Keylyn Trajano hin average score nga 7.61. An iya pinakahitaas nga score in 9 samtang 4 naman an pinakahamubo. Rumampa hiya sul-ot an blue gown nga mayda transparent stripes ngan sheer details.
May average score naman nga 6.91 hi Alexia Nuñez. Nakakuha hiya hin highest score nga 8.2 ngan lowest nga 5 samtang sul-ot an gold sequined gown nga mayda sheer cape.
An Miss Grand International All Stars in abri para ha mga kababayen-an ngan transwomen nga edad 20 ngada ha 40 nga bumulig na dati ha international pageants.
Pagbubuhaton an coronation night ha Myo 30 ha Bangkok, Thailand.
