ODD NEWS- Nakapagtala hin kakaiba nga Guinness World Record an Canadian cooking star ngan bodybuilder nga hi Wallace Wong, o mas kilala kumo “Six Pack Chef”.
Nakuha mangud hine an titulo nga “thinnest sandwich sliced by hand”.
An nahimo hi Wong in may kadakmol nga 5.12 milimetro (mm).
Sumala kan Wong, an iya gingamit nga ingredients in shokupan (Japanese milk bread), kamatis, ngan pipino.
Aminado ine nga nakurian hiya ha pag-slice hiton tinapay, kun diin naprobaran an iya talent ngan pulso para makakuha han perpekto nga hiwa hiton tinapay.
Pagkahuman mabug-os an sandwich, ginkumpirma ine han Guinness World Records Adjudicator nga hi Joanne Brent ang bagong record.
Labot la ha sandwich ngan isda, nakapagtala pa ine hin upat nga records ha parehos nga adlaw para ha pinakadamo nga slice han zucchini ngan mushroom ha sulod han 30 seconds, nga may piring an mga mata.
Ha pagkayana, kapot ni Wong an damo nga mga records hiton pag-slice han mga utanon sugad hiton bell pepper, harang, kamatis, celery, lasuna ngan pipino.
