TACLOBAN CITY – Parehas ha iba nga mga lugar, in nagbutang gihapon hin dekorasyon pampasko an bungto han Tanauan, Leyte nga puydi bisitahon han mga katawhan yana nga panahon hitun kapaskuhan.
Tema han yana nga tuig in an Sparkles of Light – For better and brighter Tanauan, nga kun diin, ha ira plaza in nakabutang an mga magkadurudilain nga mga dekorasyon panpasko sugad han ira version han tunnel of lights, Christmas tree, belen ngan sugad man an ira mga barbecue nga puydi kaunan han mga turista.
Sumala naman kan Amalia Cesar Cobachia, membro han PWFC Tanuan Federation Woman’s Club ngan usa nga barbecue vendor nga nalilipay hira nga yana nga tuig, in balik na an ira pagtinda hin barbecue ngan sugad man nga damo na gihapon an ira mga nagigin customer.
