INTERNATIONAL – Maghahatag an Britain hin ginbabana-bana 27 milyon US dollars nga bulig agud magdul-ong hin tubig, sanitation ngan hygiene services ha Gaza, sumala kan Prime Minister Keir Starmer.
Sumala ha Britain, igdedestribwer an pondo ha pamamaagi han UNICEF, World Food Programme, ngan Norweigan Refugee Council, ngan panuyuan hini maabot an mga tawo nga naatubang ha gutom, malnutrition, ngan sakit.
Dugang pa han Britain, magbubuhat gihapon ini hin tulo ka-adlaw nga summit para ha rekonstruksyon han Gaza nga aattenderan hin mga tinaglawas han gobyerno, pribado nga sektor, ngan mga tinaglawas han development finance, kaupod an European Bank for Reconstruction and Development ngan World Bank.
Ha presente, nahipatik han Britain nga nakaghatag na ini hin 74 milyon pound nga bulig pan humanitarian ha Palestine, nga opisyal hini ginkikilala kumo usa nga estado dida han nakalabay nga bulan.
