METRO MANILA – Naka-full force na an Bureau of Immigration (BI) yana nga tikaharani na an pagbuhos han biyahero para ha 2026 Semana Santa, kun diin yinukot-yukot nga pasaheros an ginlalauman nga mabiyahe pauli han ira mga probinsya o para magbakasyon.
Sumala ha BI, ginbabana-bana nga maabot ha 45,000 international departing passengers an maagi kinada-adlaw ha mga pangunahon nga airport han nasud durante han Holy Week exodus.
Ginmalatumat ni BI Commissioner Joel Anthony Viado nga nagdugang na an ahensya hin mga frontline personnel ngan support units agud masigurado an maupay ngan madagmit nga proseso ha mga airport.
Ginsagdunan gihapon han BI an mga pasaheros nga umulpot ha airport hin dire maubos ha tulo ka-oras ugsa an ira flight agud malikayan an pagkadelatar.
