SICHUAN, CHINA – Perwisyo an ginabot han usa nga gutiay nga bungto ha Sichuan, China mahuman magdurot hin haluwag nga brownout an usa nga nalupad nga baboy nga sakay han drone.
Sumala ha notisya, ginprubaran ha usa nga parag-uma nga gumamit hin industrial drone agud dad-on an iya alaga nga baboy pakadto ha slaughterhouse. Eksplikar han parag-uma, mas madagmit nga nakakatipid ini kaysa igbiyahe an baboy gamit an trak mahitungod nga makuri iton aragian.
Pumalya naman an plano han sumabit an drone ha usa nga linya han kuryente mahitungod ha poor visibility. Nagresulta ini ha pagkasaray han baboy ha poste ngan pagkautod han suplay han kuryente ha lugar.
Umabot hin 10 ka-oras ugsa naibalik an kuryente ha bulig han 12 ka-tawo han power company.
Ginbabana-bana nga maabot 10,000 yuan o sobra P80,000 an kantidad han nagin danyos. Nasabtan ha imbestigasyon nga tumalapas an parag-uma ha balaud mahitungod ha overloading ngan pagpapalupad han drone ha usa nga no-fly zone.
