ODD — Literal nga umuran hin bulawan ha usa nga komunidad ha probinsiya han Udon Thani, Thailand, mahuman magrenta an usa nga babayi hin grupo han paragliders agud magpauran hin salapi ngan bulawan nga mga alahas tikang ha kalangitan.
An mao nga babaye in ginkilala ngna hi Suwanlee Panyasai. Ginhimo niya ini agud magkapanhatag hin grasya ha iya mga amyaw mahuman niya magdaog ha lotto.
Gintuyo hini nga magpauran hin salapi ngan alahas ha tungod nga kaadlawan gihapon niya. Gin-imbitiran niya an iya an iya mga paryente ngan mga amyaw.
Napulo nga mga paramotor pilots an iya ginrentahan agud magpauran hin 30 nga mga bulawan nga kwintas ngan salapi nga nagkakantidad hin 300,000 baht.
Mababaruan nga imbitado ha iya kaadlawan an maabot 200 nga katawhan tungod nga nagsarang na ha ira lugar nga nanhahatag hiya hin barato.
Umabot naman ha 1,000 an naghulat han mao nga grasya tikang ha kalangitan.
Sumala kan Panyasai, nahunahunaan ini niya himuon agud ipanhatag ha iba nga tawo an kalipayan nga iya natagamtaman mahuman niya makarawat an 90 million baht jackpot prize ha lotto.
