TACLOBAN CITY – Aada na ha talwas nga kamutangan an 19 anyos nga babaye ha syudad han Ormoc nga nagprobar nga magpakamatay mahitungod han pagbulagi ha iya han iya uyab.
Sumala kan PLt. Ramil Caldona, Station Commander han Ormoc City Police Station 2, san-o an mao nga insidente in nagpabarangay anay an mao nga babaye nga ginkilala nga hi Jessa Mae Masucol kaupod an iya pamilya sugadman an iya uyab nga hi Jan-Jan.
Didto in nagyakan hi Jan-Jan nga dire na niya higugmaon hi Jessa Mae ngan karuyag na niya nga makipagbulag.
Mahuman ini in dumiretso naman an mao nga babaye ha usa nga tulay ha may Brgy. Cabulihan Ormoc para magprobar nga pumitik.
Nakuhaan naman hin video an mao nga babaye samtang nakadto han tulay, ngan didto mismo in ginbibiling niya an iya uyab nga nakipagbulag ha iya.
Hi Janjan naman mismo an nagsalbar han mao nga babaye.
Gintutuuhan gihapon nga an mao nga babaye in nakakaeksperyensya hin post partum depression mahitungod nga pag-aanak pala hini han naglabay nga lima ngada pito kabulan.
