ODD NEWS – Usa nga 21-anyos nga babaye ha China an nagta-type ha computer gamit an iya wala nga tiil. Nakakabilib mga ka bombo matungod nga hiya in may cerebral palsy. Ginpanganak na may cerebral palsy si Hu Huiyuan sanglit nga paralisado an iya bug-os nga lawas , labot la ha iya ulo ngan wala nga tiil.
Ha kaluyo han iya kapansanan damo an iya akos nga himuon usa na nganhi an pagsusurat hin nobela. Waray maka experyensya hin pormal nga edukasyon hi Hu matungod ha iya kapansanan. Matungod hine an iya nanay nala an iya nagin titser ngan nagtutdo ha iya kun patiunan-o mag yakan ngan mag surat.
Dire naman ine ngain masayon matungod nga kinahanglan nga utro-utrohon han iya nanay an pagtutdo hin mga simple nga yakan para mabaruan ni Hu.
Namunga naman an pagpupursige han iya nanay matungod nga dire la ha pagyakan ngan pagsurat hin mga simple nga yakan an akos nga himuon ni Hu. Hapagkayana in nakakapagsurat hi Hu hin mga nobela nga mayda unom ka chapters o di man ngani maabot-sobra 60,000 nga pulong.
