Nadaogan han usa nga babaye ha Cagayan de Oro City an P10 milyon jackpot prize ha Lotto 6/42 draw yana nga bulan han Abril. An iya taya, in kombinasyon han mga numero nga nagkakantidad hin P25.00.
Ha igin pagawas nga pamahayag han Philippine Charity Sweepstakes Office (PCSO), gin malatumat hini nga an Lucky Pick (LP), o makina an pumili han mga numero nga tinayaan han 50-anyos nga babaye, ngan gumawas ha mao nga draw an 06-37-23-02-39-31 nga mga numero.
Kaupod han babaye an iya anak han kumadto ini ha PCSO Mandaluyong agud kubrahon hini an iya premyo.
Han maihatag na ha nagdaog an premyo, gin pahinumdoman ni PCSO General Manager Mel Robles an lucky winner nga magin baltok ha paggamit han iya nadaogan ug paribhongon ini pinaagi han pagnenegosyo.
Igin pahayag naman han lucky winner nga prayoridad niya an magkaada hin kalugaringon nga balay an iya pamilya sugad man gagamiton ini ha pagnenegosyo ug pantustos ha pag-eskwela han iya mga anak.
