Opisyal na nga ginkilala han Guiness World Record an bag-o nga abri nga “Snack Kingdom” ha Changsha, China kumo pinakadako nga tindahan hin snacks ha kalibutan.
Ginbug-os han retail chain nga Mingming Henmang, an dako nga tindahan in mayda kahiluag nga 12 sqm o 1.2 hectares.
An Snack Kingdom in mayda sobra 35,000 nga klse hin chichiriya tikang ha 70 nga nasud. Pagsulod pala, matapo na an malamrag nga “snack corridor” nga nagdi-display hin yinukot-yukot nga produkto.
Pira ha mga pangunahon nga atraksyon in an “Instant Noodle City” nga nagpapakita hin sobra 3,500 nga klase hin instant noodles, tikang ha mga classic brand kutob ha mga kakaiba nga flavors.
Labot pa hini, ginbabalik-balikan gihapon an ira seksyon han softdrinks nga nagtikang pa ha 20 nga nasud, kaupod na an mga kakaiba nga flavor sugad han salted cola.
