ODD – Usa nga luma nga Cadillac ambulance tikang han 1972 an malinampuson nga nagbiyahe hin sobra 5,100 kilometers tikang ha Hollywood, California, tikadto ha Hollywood, Florida, para maghipatik hin bag-o nga Guinness World Record!
An kakaiba nga road trip in gindumara han usa nga grupo tikang ha Symbiosis Ambulance ngan Axene Continuing Education, usa nga organisasyon nga nagduduso hin emergency medical services (EMS) education.
Gintikangan han grupo an ira pagbiyahe dida han Marso 1 ngan nahuman dida han Marso 10.
Panuyo hira nga igpahibaro ha publiko an importansya han sakto nga paghag-id ha EMS.
Opisyal naman nga gin kumpirma han usa nga adjudicator tikang ha Guinness World Records nga an 5,206 kilometro nga biyahe han ambulansya an pinakahilaba nga distansya nga gin biyahe han usa nga ambulansya ha kasaysayan.
Para ha perspektiba, an nasabi nga distansya in haros kaparehas han hahirayo tikang ha Cagayan kutob ha General Santos City hin pabalik-balik hin duha ka-beses!
