VATICAN CITY – Mahugot nga ginkondina han leader han Simbahan Katolika nga hi Pope Leo XIV an mga “unjust” o dire makatarungan nga panmatay ha damo nga mga indibidwal.
Sumala ha Santo Papa, iya gin kokondina an tanan nga mga buhat nga dire makatarungan, pamatay hin kinabuhi, ngan an “capital punishment” o pagsirot hin kamatayon.
Dugang hini, natuo hiya nga kinahanglan in respetuhon ngan proteheran an kinabuhi han tanan nga tawo.
Kasumpay hini, manunumduman nga dida pa han Abril 12, nanawagan hi Pope Leo XIV nga maintindihan han dagko nga mga nasud, partikular na han United States, Israel, ngan Iran, an gindudurot han nahitatabo nga kasamok ha molupyo.
Samtang dugang pa hini, kinahanglan nga humanon na an pag-iidolo ha kalugaringon, an pagparayaw hiton gahum, ngan an mga kasamok nga nakakaapekto ha tanan nga tawo ha kalibutan.
