-- Advertisements --
WASHINGTON D.C., USA – Makikit-an na ha bag-o nga disenyho han American passports an nawong ni United States President Donald Trump.
Basar ha mga notisya, an inisyatiba ha paghimo han bag-o nga disenyo in kasumpay ha selebrasyon han ika-250 nga anibersaryo han pagtindog han nasud Amerika.
Labot la ha nawong ni Trump, makikit-an gihapon an color gold nga pirma han presidente ha pasaporte.
Samtang, ginklaro naman han State Department nga limitado la an igpapagawas nira nga kopya hini, ngan abilabli la ini ha Washington Passport Agency.
Puydi gihapon magpahimo an mga American citizens nga karuyag magkamayda hini nga passport, ngan dire hira susuktan hin “extra fees” para dinhi.
