METRO MANILA – Naikostudiya han Bureau of Internal Revenue, kaupod an Bureau of Customs, an 19 nga mga sarakyan nga may paghisumpay ha Discaya tax investigation o an gintatawag nga “Discaya cars.”
15 ha mga sarakyan nga nakarehistro ha mag-asawa nga Pacifico F. Discaya II ngan Cezarah Rowena Discaya in ginpailarum ha constructive distraint.
Upat nga sarakyan naman an ginpailarum ha constructive seizure kasumpay han tax assessment kontra ha St. Gerrard Construction General Contractor and Development Corporation.
Eksplikar ni BIR Commissioner Charlito Martin Mendoza nga panuyuan han pitad in agud mapreserba an assets ngan masigurado an kapas han gobyerno nga makakolekta hin buwis samtang ginsusunod an due process.
Manunumduman nga dida han 2025, nagsumite an BIR hin criminal tax cases kontra ha Discayas nga may kabug-usa nga P7.18 bilyon nga tax liabilities.
