-- Advertisements --
ODD NEWS – Nakaghipatik hin bag-o nga world record an usa nga attorney ha Texas, USA mahitungod ha kahilapad han dila hine.
Gin kumpirma han records keeping organization nga Guinness World Records nga hi Brittany Lacayo an pinakabag-o nga world record holder han titulo nga “Widest Tongue (female)”.
May kahilapad nga 3.11 inches an iya dila sanglit napirde hine an previous record nga 2.89 inches la.
Sumala kan Lacayo, bata pala hiya in maaram na hiya dire komon an kahilapd han iya dila pero dire hiya maaram nga ine ngay-an an pinakahilapad ha bug-os nga kalibutan.
Nahuna-hunaan hine nga magpasa hin aplikasyon ha Guinness han makit-an niya an litrato han previous record holder ngan nahuna-huna niya kaya ine niya pirdehon.
