SPORTS – Usa nala nga daog an kinahanglan han San Antonio Spurs agud umabanse ha semifinals han western conference ha nagpapadayon nga 2026 Playoffs.
Gindomina han team an Game 4 kontra ha Portland Trailblazers, gamit an episyente nga second-half performance ha iskor nga 114-93.
Kapot han Portland an 17 points nga lamang ha paghuhuman han 2nd quarter ha iskor nga 58-41, pero dayon ini nga nalanat han Spurs ha 3rd quarter.
Waray kapugngi han Blazers an momentum han San Antonio ngan dayon na nga lumubo an lamang han urhi mahuman ini makaghipaitk hin 40 big points ha bug-os nga 4th quarter samtang umabot la ha 19 points an Portland.
Ha bug-os nga mulay, umabot ha 12 steals ngan 10 blocks an nahipatik han Spurs ngan haros waray maka-kambiyo dinhi an Trailblazers.
Samtang, mabalik naman ha San Antonio an Game 5 nga usa nga do-or-die game.
