WASHINGTON D.C., USA – Bug-os lagihapon an pagtapud han Whtie House ha United States Secret Service agud bantayan an seguridad ni US President Donald Trump kasunod han insidente han panmusil ha usa nga hotel ha Washington, D.C. dida han Dominggo, oras ha Pilipinas.
Sumala ha usa nga opisyal han White House, natapud an presidente nga maupay an nagin solusyon han mga Secret Service agent mahuman nira mapugngan an suspek.
Kaupod hini, magbubuhat gihapon hin mahugot nga pagrepaso ha security protocols agud malikayan an sugad nga panhitabo ha mga masunod.
Manunumduman nga naganap an insidente harani ha security checkpoint ha lobby han hotel, kun diin gindudumara an usa nga event kasumpay han White House Correspondents’ Dinner.
Sumala ha mga otoridad, an suspek in ginkilala nga hi Cole Tomas Allen, 31-anyos, tikang California, nga nadakop mahuman magpabuto hin pusil ha lugar kun diin, nakatalaan naman ini nga umatubang ha korte hin mga kaso.
