METRO MANILA – Nagbuhat an Bureau of Internal Revenue ngan an Presidential Anti-Organized Crime Commission hin mga pag-aram han mga makabag-o nga teknolohiya sugad han data ngan blockchain analytics agud igpahugot an tax compliance han mga online sellers.
Didala han nakalabay in nakighampang hi BIR Commissioner Charlito Mendoza ha mga opisyal han PAOCC ngan ginhisgotan an nagtitikahitaas nga tax noncompliance ha digital space. kaupod an online selling ngan mga online transactions.
Labot la ha pagkolekta han witholding tax tikang ha mga online sellers, ginpasaka gihapon han BIR an 12% nga value-added tax ha mga digital services.
Ginmalatumat ni Mendoza nga an mao nga pitad in kaparte han mas halawig nga paningkamot agud maproteheran an halin han gobyerno ngan masigurado an patas nga kompetisyon ha mga business owners nga mga nagbabayad hin buwis.
Ha siyahan nga tulo ka-bulan han 2026, humitaas hin 4.2% an koleksyon han BIR ha P719.2 bilyon, sumala ha datos tikang ha Bureau of the Treasury. Ini in nagrerepresenta ha 23.2% han target nga P3.102 trilyon para ha 2026.
