TACLOBAN CITY – Nakatalaan nga pagtukuron han Department of Public Works and Highways–Leyte 3rd District Engineering Office ha masunod nga tuig-2025 an 80 kabug-os nga mga proyekto.
Sumala kan Department of Public Works and Highways–Leyte 3rd District Engineering Office Planning and Design Section Chief, Engr. Eleazar Salili, nakapukos an mga ine ha national roads and bridges.
Ada ha 80 an kabug-usan nga ihap han mga proyekto nga ada ha ilarom han 2025 National Expenditure Program kun diin mayda ine naka-alutaga nga pondo nga P1.357-B.
Ada naman ha 11 nga proyekto an ada ha ilarom han Category OO1 o Organizational Outcome 1 nga nasakop han national roads ngan rehabilitasyon han mga national roads ngan mayda ine pondo nga P467-M.
Labot pa han 11 nga proyekto ha ilarom han Category OO1 nga mga national roads, mayda pa gihapon Category 2 o an Organizational Outcome 2 nga nasakop naman ha mga flood control projects.
Mayda naman ine unom nga proyekto nga mayda pondo nga P315-M.
Samtang, an nasasalin in ada naman ha Convergence and Special Support Program kun diin ada ha 62 nga mga proyekto an sakop hine ngan mayda gihapon pondo nga P525-M.
