INTERNATIONAL – Ginpasakahan na hin mga kaso nga murder kontra ha suspek nga nanudol ha Filipino street festival ha Vancouver, Canada nga nagresulta han kamatay han 11 ka-tawo.
Ginkasuhan han British Columbia Prosecution Service an suspek nga hi Kai-Ji Adam, 30 anyos, residente han Vancouver, hin walo nga ihap hiton second degree murder ngan posible nga madugangan pa an mga kaso nga iya aatubangon.
Maatubang an suspek ha korte samtang nagpapabilin ini ha kustodiya han lokal nga mga awtoridad, ini in sumala ha mga prosecutors.
Siyahan nga gin-isyu han mga imbestigador an posibilidad nga terorismo an hinungdan han nasabi nga trahedya.
Sumala han imbestigasyon han mga awtoridad, sumulod an usa nga lalaki samtang nagmamaneho han iya black SUV ha Filipino street pasado alas-8:00 han gab-i han Sabado, Abril 26, ngan gintudol hini an mga tawo nga nagseseribrar han Lapu-Lapu Day Festival. Dayon naman nga naaresto an suspek, nga sumala han mga kapulisan, mayda daw isyu ha mental health.
Nahitatabo an trahediya duha ka adlaw ugsa pagbuhaton an federal election ha tiaarabot nga Abril 28, oras ha Canada.
