ODD NEWS — Ha panahon yana, puwede na mabaruan an mga butang ha pamaagi hiton internet sugad han pagluluto, pag-aayad, pagsasayaw, ngan pati na gihapon an pagmamaneho.
Sanglit mayda usa nga 8-anyos nga bata nga lalaki ha East Palestine, Ohio an gin-gamit an iya nabaruan ha pagda-drive tikang ha Youtube para dad-on an iya manghod nga babaye ha usa nga fastfood chain para umorder hin hamburger!
Subay ha usa nga witness, sumunod ha stoplight an bata. Didto la nabaruan nga waray kaupod nga kag-anak an magbugto han may makakita ha mga ini nga kakilala nga nakaon gihapon han nasabi nga mga oras ha restaurant.
Napag-araman nga maiha na nga nagkikita hin driving tutorials ha Youtube an bata nga lalaki sanglit talwas niya naimaneho an iya bugto ngan waray niya magasgasan an sarakyan han ira kag-anak.
