Waray ginpansin han usa nga 7-years old nga bata ha United States an kapaso ngan kabug-at han madakmol nga bado mahuman niya sul-oton an 50 sweaters hin dudrungan agud makaghipatik hin bag-o nga Guinness World Record.
Dida han Hunyo 1, malinangpuson nga nakab-ot ni Skyler Rozell-Whitaker ha Pennsylvania an record para ha most jumpers or sweaters worn at once mahuman niya malahusan an anay record ngan 46 sweaters.
Ginbuligan hi Skyler han iya nanay samtang ginkikita ngan ginsusuportaran naman hiya han iya pamilya, mga kasangkayan ngan kaklase ha usa nga public library ha Monroeville.
Ugsa an official attempt, nagdumara anay hira hin practice agud masigurado nga talwas ngan komportable hi Skyler. Kadam-an ha mga sweater in ginpalit tikang ha secondhand stores, samtang an iba in bag-o nga palit.
