Umaro hin sorry an usa nga ospital ha England mahuman nira gamiton an usa nga model skeleton kumo sabitan han IV drip han ira pasyente.
Gindara an 28-anyos nga pasyente nga hi Cleo Rawlings ha Salisbury District Hospital mahitungod ha grabi nga sakit han ulo nga gintutuohan nga meningitis. Sumala ha nanay hini, nga punuan an emergency department sanglit haros 19 ka-oras hira nagpabilin ha corridor.
Mahitungod nga kulang an kagamitan, ginsabit an IV drip han pasyente ha stand nga gingamit para ha medical teaching skeleton. May iba gihapon nga pasyente nga ginsabit an IV ha mga picture frame mahitungod nga waray na available nga IV stands.
Nakalasan an nanay han pasyente, pero nai-intidihan niya nga nakukurian gihapon an mga staff mahitungod nga puno an ospital ngan gingagamit an tanan nga kama.
Mahuman nga mag-viral an litrato ni Rawlings, dayon nga umaro hin sorry an ospital ngan gintawag nga “unacceptable and insensitive” an insidente.
