Usa nga 16-anyos nga buriko o donkey ha Pennsylvania, United States an ginkilala han Guinness World Records nga may pinakahalaba nga talinga ha mga nabubuhi nga donkey ha kalibutan.
Hi Hank, usa nga Mammoth Jackstock donkey tikang ha Muncy Pennsylvania, in may talinga nga may kahilaba nga 17.12 inches o 43.50 centimeters. Mahitungod hini nalahusan niya an anay record holdernga hi Hope tikang ha Byron, Georgia, hin sobra 3.3 centimeters.
Nagdesisyon hi Jennifer, tag-iya ni Hank, nga igsukol an talinga han iya alaga mahuman makakarawat hin artikulo tikang ha anay record holder. Ginkuha an average han mga sukol han usa nga veterinary agud makuha an opisyal nga record nga 43.50 centimeters.
Sumala kan Jennifer masukot hira mag-hiking ni Hank ngan umapi ha trail obstacle competitions. Yana, labot ha pagigin paborito nga kaupod, ginpaparayaw na ni Hank an titulo han Guinness World Records para han longest ears on a living donkey.
