ODD – NAGTALA hin Guinness World Record an usa nga American shark biologist mahuman magpatattoo hin sbra 100 shark tattoos kumo pagkilala ha magkadurudilain nga klase han pating nga iya nakit-an ngan nakasalamuha.
Ginkilala ni Emily Morrison han Guinness World Record ha titulo nga “most sharks tattoed on the body (female)” mahitungod ha iya 106 nga shark tattoos. Makikita an mga ini tikang ha tiil kutob liog.
Kaupod ha iya mga tattoo an 71 nga klase han pating, 13 fossilized shark teeth, ngan usa nga bag-o nga ngipon han pating. Kadam-an ha mga disenyo in tikang ha mga hayop nga personal niya nga nakit-an samtang nalurop ngan nagtratrabaho ha dagat.
Nagtikang an interes ni Morrison ha mga pating han hiya in 8 years old pala, mahuman niya makit-an an pelikula nga Jaws.
Para kan Morrison, pamatuod an iya eksperyensiya nga puydi himuon nga career an mga hobbies ngan hilig ha kinabuhi.
