-- Advertisements --
TACLOBAN CITY-Mahugot nga gindidire an pagpasulod ha 7 nga barangay ha Poblacion han Palo kadungan han pagselebrar ha kapatronan han bungto han Palo.
Nagpatuman na gihapon hin liquor ban tikang kanina han 12:01 han maagahon kutob 11:59 hiton petsa 7 yana nga bulan.
Sumala kan P/Maj.Joemen Collado, hepe han Palo PNP nga dire makakasulod ha mao nga mga barangay an tanan nga dire mga residente hine bisan pa kaparyente han mga naguukoy dinhe.
Kaupod ha mga barangay in an Cavite East, Cavite West,Santa Cruz, Naga naga, Luntad, San Miguel, ngan Buri.
Nagpahimatngon naman ine nga mayda kakaatobangon nga sirot an mga matalapas ha mao nga ordinansa.
