TACLOBAN CITY– Naka-abat hin pagbabaha, ngan pag-apaw hiton tubig an pira nga parti han Northern Samar.
Sumala kan Board Member, Don Abalon, Province of Northern Samar, usa ha mga nakaka eksperyensya yana hiton pagbabaha an San Roque Northern Samar.
Dugang pa hine, mayda na gihapon mga nan-bakwit ha mga evacuation center, ngan ine in ada ha 66 nga pamilya kun diin ada ine ha 300 ka-indibidwal ngan mga taga San Roque gihapon an mga ine.
Padayon naman an ira pagpamulat ha iba mga bungto han Northern Samar, para hadton ihap han mga evacuees.
Ginpaangbit naman hine nga, naka-standby an mga relief goods, ngan naka-karawat na gihapon adton mga evacuees han nasabi nga pauna nga ayuda ha oras hiton kalamidad.
Ha pagakayana, unstable an suplay hiton kuryente, durante na gihapon ha Bagyong Kristine.
Ginpatapod naman han nasabi nga opisyal, nga padayon an ira koordinasyon ha mga hintutuinan, agud nga masubaybayan ngan mamonitor an sitwasyon.
