SAN MIGUEL–Dead-on-the-spot an usa nga 60 anyos nga paraguma ha Brgy. Cabatianuhan, San Miguel Leyte, mahuman nga gintigbas ine.
An biktima in usa nga 60 anyos nga parag-uma, widower, paraguma ngan residente han Brgy. Malaguinabot, San Miguel, Leyte.
Samtang, an suspek in usa nga 57 anyos nga paraguma, single, ngan residente han Brgy. Cabatianuhan, San Miguel Leyte.
Sumala kan PCPT. Joselito Mislos, Officer in Charge han San Miguel Municipal Police Station, nahitabo an insidente katutna han ika 8 han Pebrero, kun diin nakit an nira nga patay na an biktima sulod han balay hiton suspek.
Subay ha insiyal nga imbestigasyon, sumakob an biktima ha bintana han nasabi nga panimalay kun diin gintigbas ine dayon han suspek, kun diin naigo naman an biktima ha tuo nga butkon ngan naka-angkos hin damo nga samad.
Samtang, gintudlok naman ni Mislos an selos kumo rason likod hiton insidente.
Gindakop naman an suspek pero gindara anay ine ha LPH Palo, ngan gin-refer ha Eastern Visayas Medical Center (EVMC).
Narekupo gihapon an sundang nga gamit hine.
Dugang pa ni Mislos nga ginpasaka na nira an kaso nga homicide kontra ha suspek.
