TACLOBAN CITY- Nabungkag an usa nga drug den ha gindumara nga operasyon han PDEA VIII ha Quarry Dirstrict, Brgy 43 A Tacloban.
Ginkilala an mga suspetsado kanda Joshua Ramos Villones (maintainer) John Paul Montello (co-maintainer) ngan sugadman an tulo nga mga bisita nga hira Felipe Gayoso, John Verle Barredo, Remuel Magalona.
Sumala kan Rogellete Urgel, Information Officer han Philippine Drug Enforcement Agency (PDEA) 8, nga nakompiskar ha mao nga operasyon an 1 ka sachet han ginututuohan nga shabu nga mayda estimated market value nga Php41,197.00. Dugang pa hine nga narekober gihapon ha operasyon an 1 ka sachet hin Marijuana estimated value Php43.00 ngan mga drug paraphernalia.
Hapagkayana in temporaryo an mga ine nga naka detainee ha PDEA Detention Facility ngan maatubang ha pagtalapas ha RA 9165.
