ODD NEWS– Usa nga 5-anyos nga bata nga babaye ha United Kingdom an naka-karawat hin Guinness World Record matungod nga nakapagpagawas ine hin kalugaringon niya nga libro nga hiya an author ngan nag-drowing!
Ginkumpirma han Guinness nga ginkilala nira an 5-anyos nga hi Bella J. Dark ha titulo nga “Youngest Person to Publish a Book (Female)” mahuman nga makabaligya hin sobra 1,000 nga kopya an mao nga libro nga may title nga “The Lost Cat”.
Usa ha requirements han Guinness, agud nga makonsidera ha nasabi nga record title in makabaligya hin at least 1,000 copies han libro.
An libro in kasumpay ha usa nga nawawara nga makulit nga misay, ngan lumakat ine ha ira panimalay hin waray pagsarit ha iya nanay.
Sumala ha nanay ni Bella nga hi Chelsie, ideya tanan han iya anak an sulod han libro ngan an iya la ginbulig dinhe in mamiling hin kontak han mga publishing house nga magpapagawas han nasabi nga libro.
Matungod dinhe, damo an naibaligya nga kopya han “The Lost Cat”, hapagkayana presente nga ginhihimo ni Bella an equel hine nga “The Lost Cat 2”.
