Gin malatumat ni U.S. President Donald Trump dida han Sabado (adlaw ha Amerika) nga may-ada la 48 ka-oras an Tehran agud makigsuro-sarabot o kun diri in maatubang ini hin “all hell,” mintras an tropa han Estados Unidos ngan Iran in nagbibiling han napalaprak nga U.S. airman.
An panarhog ni Trump in kasunod han usa nga pagbuto harani ha usa nga Iranian nuclear power plant nga nagdurot hin evacuations, ngan mga pag-atake ha rehiyon, kaupod na an pag atake ha usa nga commercial ship han Bahrain nga gin target han Iran’s Revolutionary Guards mahitungod nga gin tutuohan ini kumo konektado ha Israel.
An gyera in nagtikang subra usa na kabulan mahitungod han US-Israeli strikes ha Iran kun diin, ini an nagpahiluag ha tensyon ha bug-os nga Middle East nga nakaapekto ha pan kabug-usan nga ekonomiya ha kalibutan ilabi na han pagsasara han Strait of Hormuz.
Dida han Marso 21, una na nga nag tarhog hi Trump hin pag guba ha mga power plant han Iran, tikang ha pinakadako ngada ha pinakaguti kun diri aabrehan han Tehran an Strait of Hormuz ha sakob hin 48 oras.
Pira ka adlaw an naglabay, gin malatumat ni Trump nga “very good and productive conversations” an nahinabo nga pag iisturya ha butnga han US ngan Iran nga mag resulta han pag ugsod han strike ha sakob hin lima ka-adlaw.
Ha pagkayana, in utro nga igin isa han Amerika an deadline nga magtatapos ha Lunes nga adlaw, alas-8:00 hiton gabi (american time) ngan Martes naman nga adlaw ha Pilipinas.
Sumala ha mga eksperto, an pag-atake ha civil energy infrastructure in puydi itudlok nga war crime.
Dida han Biyernes, igin malatumat han Iran nga ira na-shoot down an usa nga F-15 warplane han U.S., samtang gin malatumat naman han U.S. media nga usa ha duha nga crew members in nakatalwas mintras an usa naman in padayon pa nga gin bibiling.
Samtang, gin tawa-an naman ni Mohammad Ghalibaf, speaker han Iran’s parliament, an administrasyon ni Trump.
