NATIONAL – Maabot ha 375 nga Pilipino an nagin biktima han human trafficking an naibalik ha nasud tikang Enero 1 kutob Hunyo 30, 2025, sumala ha Inter-Agency Council Against Trafficking.
Sumala kan Inter-Agency Council Against Traffikcing Executive Dir. Hannah Lizette Manalili han Department of Justice, kadam-an ha mga na-repatriate in nabiktima han forced labor ha mga scam hubs ha Myanmar, Cambodia, Lebanon, ngan Malaysia.
Gintagan-duon niya nga padayon nga mahitaas kada-tuig an ihap han mga Pilipino nga biktima han human trafficking.
Dida han 2024, umabot ha 387 an na-repatriate, mas hitaas kaysa ha 335 dida han 2023.
Kadam-an ha mga biktima in tikang han mga pamilya nga aada ha poverty line, nga mas madagmit ma-scam han mga illegal recruiters.
