Gin lalauman nga ma abot ha Pilipinas yana nga semana an 300,000 ka bariles hin diesel nga gin palit han gobyerno tikang ha usa nga nasud ha Southeast Asia agud mapun-an an gin kakaatubang nga kakulangan han suplay hin lana ha nasud.
An mao nga pitad han Department of Energy (DOE) ngan Philippine National Oil Co. (PNOC) in may panuyan nga siguraduhon nga sakto an suplay han lana ha butnga han na e-eksperyensyahan nga krisis ha Middle East.
Kun diin, nakatalaan ini ig baligya ha mga pribado nga kumpanya hin lana ha nasud agud makabulig ha kakulangan han suplay nga gin-aabat.
Ha kaluyo hini, ginbabana-bana nga an mao nga kadamo han diesel in insakto la ha subra duha ka-adlaw nga konsumo han nasud.
An mao nga pagpalit in gin himo ha butnga han gin lalauman nga paghitaas han presyo han produkto nga petrolyo yana nga semana.
