Igin salawad han Spain ha European Union an panukala nga humanon na an Association Agreement hini ha Israel mahitungod ha daw pagtalapas ha international law, sumala kan Spanish Prime Minister Pedro Sánchez.
Ha political rally ha Andalusia, ginmalatumat ni Sánchez nga igpapasa han iya gobyerno ha EU an panukala ha maabot nga Martes.
Gintagan-duon niya nga an pitad in dire kontra ha Israel citizen, kundi ha mga aksyon han ira gobyerno.
Nanawagan gihapon hiya ha iba pa nga nasud ha EU nga suportahan an panukala.
An EU–Israel Association Agreement, nga iginpatuman dida han 2000, an nagseserbi nga sakop han kalakan ngan kooperasyon han Israel ha butnga han EU, pero posible ini mawara kun an usa nga nasud in matalapas ha human rights.
Ha lain nga bahin, bumwelta naman hi Israeli Foreign Ministry Gideon Sa’ar ngan igindiwara an akusasyon han Espanya, mahitunhod ha pagigin hyprocritical, kaupod an pagpahayag ha relasyon hini ba iba nga nasud sugad han Turkey ngan Venezuela.
Samtang, an pitad han Spain in ginlalauman nga paghihingadayan ha masunod nga pagharampang han EU foreign ministers, kun diun tunga an posisyon han mga membro nga nasud.
