Harani na mahuman an impeachment proceedings kontra kan Vice President Sara Duterte ha lebel han komite han Mababang Kapulungan han Kongreso hi House Assistant Majority Leader Lanao del Sur 1st district Rep. Zia Alonto Adiong nga usa gihapon nga membro han Committee on Justice.
Ginlalauman an katapusan nga pagdungog in pagbubuhaton ha Abril 29, 2026.
Ugsa ini, nakatalaan pa magdumara hin pagdungog abn justice panel ha Abril 22 samtang padayon hini gintutudlok kun mayda “probable cause” an mga impeachment complaint kontra ha Bise Presidente.
Kaupod ha mga akusasyon ha impeachment an panarhog ha hagtaas nga opisyal han gobyerno, sayop nga paggamit han confidential funds, unexplained wealth, ngan mga iregularidad ha Statement of Assets, Liabilities and Net Worth (SALN) ni Sara Duterte.
Dugang pa ni Adiong, pagdedebatehan pa han mga membro han komite an istoryahon han probable cause ugsa iggawas an committee report, nga ginlalauman igsasalawad ha plenaryo han Kamara ha pagbabalik-sesyon ha Mayo 4, 2026.
Pag-eksplikar pa han magbabalaod, an committee report nga nagseserbi nga kabug-usan nga findings han panel, in dire pa sirot ha Bise Presidente kundi rekomendasyon pala kun angay ig dayun an impeachment ha Senado.
Kun maaaprubahan ha plenaryo, an masunod nga pitad in an impeachment trial ha Senado, kun diin pagde-desisyunan kun magpapabilin ha pwesto ha matatanggal ha trabaho hi VP Sara.
