Gin malatumat ni U.S. President Donald Trump nga naigo han ira US Navy destroyer an usa nga Iranian-flagged cargo ship nga nga nagprubar nga lumikya ha naval blockade han Estados Unidos ha Gulf of Oman.
Ha iya post ha Truth Social, ginmalatumat ni Trump nga ginpahimatngunan anay han United States Navy an barko nga umundang, pero waray ini sumunod.
Sanglit napiritan magpabuto an guided missile destroyer nga USS Spruance ha nasabi nga cargo ship rason agud maigo ini ha engine room hini.
“The U.S. Navy Guided Missile Destroyer USS SPRUANCE intercepted the TOUSKA in the Gulf of Oman, and gave them fair warning to stop. The Iranian crew refused to listen, so our Navy ship stopped them right in their tracks by blowing a hole in the engine room,” sumala kan Trump.
An insidente in kasunod han akusasyon ni Trump nga gintalapas han Iran an ceasefire agreement mahuman daw pagpapabuto hini ha Strait of Hormuz.
Samtang, iginduon naman han Iran nga utro nira igin sarado an nasabi nga ruta pandagat para ha kadam-an han mga barko, ngan gin akusaran an Estados Unidos hin pagtalapas ha pagtapod ha butnga han duha nga nasud.
Manunumduman nga utro ginsarado han Iran an Strait of Hormuz ha ngatanan han cargo ship, mahitungod ha pagtalapas han Amerika ha ira kasabutan.
