Nagpagawas an Commission on Audit (COA) hin panibag-o nga notice of disallowance (ND) may paghisumpay ha confidential funds han Office of the Vice President (OVP), kun diin umabot ini ha P300 million, subay ha House Committee on Public Accounts Chairperson Terry Ridon dida han Dominggo.
Sumala kan Ridon, an bag-o nga NDA in bulag ha naunan nga desisyon han COA nga nakumpirma ha disallowance han P73 million confidentual funds nga ginamit han OVP tikang Disyembre 21 kutob 31, 2022.
Igin eksplikar pa han Kongresista nga an nauna nga P73 million nga disallowance in mayda na final ruling ngan posible umabot ha Korte Suprema, samtang an bag-o nga P300 million in ada pa ha ilarom han audit review ngan dire pa pinal.
Sumala pa kan Ridon, ginpapakita han ND an posible nga mas haluag pa nga isyu ha paggamit han confidential funds han OVP, nga padayon gin iimbestigahan han mga otoridad.
Samtang, padayon an pagdungog han House Justice Panel kasumpay ha impeachment complaints kontra kan Vice President Sara Duterte, nga ginkakalakipan han mga alegasyon han sayop nga paggmit han P612.5 million confidential funds, panarhog ha Presidente nga pamilya hini, ngan dire mae-eksplikar nga karikuhan.
