Nanawagan an Pilipinas agud suportahan an paghimo hin trabaho, mas flexible nga financing, ngan pagpapakusog han climate resilience hga butnga han nagtitikaduro nga ayat tikang ha geopolitical tensions ngan climate-related risks.
Ha gindumara nga Intergovernmental Group of Twenty-Four (G-24) Ministers’ and Governors’ Meeting, gintagan-duon ni Finance Secretary Frederick Go nga gumutiya an fiscal space han damo nga developing economies sanglit nas nakukurian hira nga batunon an dudrungan nga krisis.
Sumala hini, kinahanglan an “scaled-up and more flexible financing,” kaupod an budget support ngan emergency funding mechanisms agud mabuligan an mga nasud nga makabulig ha external shocks samtang nagpapadayon an serbisyon publiko ngan iba pa nga programa.
Iginduso gihapon ni Go an mas haluag nga partisipasyon han pribado nga sektor nga mamuhunan, partikular ha imprastraktura, energy transition, ngan digital services nga nakikita nga susi ha paghimo hin trabaho ngan pag-ursa han ekonomiya.
Gintagan-duon gihapon niya an importansya han human capital development agud masigurado nga an mga reporma nga pan-ekonomiya in direkta nga makakapaghatag hin dekalidad nga trabaho ngan mas maupay nga pakabuhi.
Ha lain nga bahin, nanawagan gihapon hi Go hin panginahanglan hin akses ha climate financing ngan technical assistance, labi na para ha mga nasud sugad han Pilipinas nga lantad ha magkusog nga bagyo ngan iba pa nga kalamidad.
An G-24 in usa nga grupo han mga naursa nga nasud nga mayda posisyon nga paghingadayan an mga isyu pan-internasyunal nga pananalapi ngan pagpapaursa.
