TACLOBAN CITY -Nagpatuman na hin 24-oras nga biyahe an Amandayehan-Tacloban port gamit an mga RoRo nga nagkakarga hin 15-16 nga mga cargo-trucks.
Sumala kan Board Member 1st District of Leyte Wilson Uy, nagtikang an nasabi nag pagpatuman han nakalabay nga adlaw, ngan an matatabo in first come first serve, an nasabi nga sistema agud nga malikayan an pagkawurok, ngan naglalaom ine nga dire liwat ine maabusar han mga supplier nga pahitas-an an presyo han mga produkto.
Dugang pa hine, dako ine nga bulig para hiton mga truck drivers, agud nga dire an mga ine maghinulat hin madugay.
Manunumduman, ginlalauman na ni Pangulong Ferdinand Marcos Jr tikang ha Department of Public Works and Highways nga yana nga bulan hiton Decembre madudugangan hin 12 metric tons an tutugutan nga mga sarakyan nga maagi ha San Juanico Bridge.
