TACLOBAN CITY– Maabot ha 216 personnel an ginpasarang hiton Coast Guard District Eastern Visayas, agud nga umasister ha mga pasaheros nga mangu-nguli yana nga Semana Santa.
Sumala kan Coast Guard District Eastern Visayas, PCG, Commander, Commodore Romeo Pulido Jr. ginlalauman nira nga kinada tuig, damo nga mga turista, magin an mga lokal citizen an nanbibiyahi, matungod na gihapon hiton kalahaba hiton mga adlaw nga waray an mga ine trabaho.
Dugang pa ni Pulido, usa ha ira mandato nga asisteran, ngan siguraduhon nga dire magkakamayda hin congestion ha mga pantalan, agud nga makapanguli an mga passenger ha ira mga tagsa-tagsa nga lugar hin talwas ngan waray aberya.
Ginmalatumat hine, nga dire la dinhi ha Sinirangan Bisayas, nagkakamayda hin mahugot nga pagbabantay ngan monitoring an Philippine Coast Guard, magin an bug-os nga nasud in naka hightened alert yana nga semana, durante gihapon hiton Mahal na Adlaw.
Padayon naman nga nakikig-sumpayan an mga ine ha pira pa nga mga uniformed personnel, agud nga mamintinar an mahimyang nga pagdumdom han Semana Santa yana nga tuig.
