TACLOBAN CITY – Maswerte nga nakatalwas an duha nga langyawanon ngan tulo nga mga Pinoy mahuman nga malunod an ira ginsasakyan nga fishing boat ha parte han Hinundayan, Southern Leyte.
Members of Philippine army and Coast guard rescued two foreign nationals and three filipinos from Capsized motorbanca off Samar waters
Ginkilala an mga naisalbar nga foreign nationals nga hira Grahame David Hastings, Donald Cox nga parehos residente han Australia sugadman an tulo nga Pinoy nga hira Har-ar Aradaza, Serecio Adanza ngan Michael Samatina.
Sumala kan Pol. Master Sgt. Jonald Abad, imbestigador han Hinundayan MPS, nga man-ngangawil ngan mangingisda unta an mga ini han tigda nala nga magmalfunction an makina han ira sarakyan pandagat.
An kakusog han balud ha mao nga dagat an rason naman han pagbalikad ngan pagkalunod han ira sarakyan.
Usa naman ha mga biktima an nakaaro hin bulig sanglit dayon nga nakapagresponde an Philippine Coast Guard ngan local disaster risk reduction management office.
Ha pagkayana in ada na ha maupay ngan talwas nga kamutangan an mga biktima han mao nga insidente.
