INTERNATIONAL – Nagkatitirok an yinukot-yukot nga South Korean ha Seoul ha butnga han preparasyon han Corruption Investigation Office for High-ranking Officials (CIO) para ha ikaduha nga higayon nga pagprubar pag-aresto kan President Yoon Suk-yeol.
Ini in may paghisumpay la gihapon han iya pagdeklarar han temporaru martial law ha South Korea dida han Disyembre 3, 2024.
Manunumduman nga pakyas an siyahan nga arrest attempt han mga imbestigador han CIO kan Pres. Yoon mahuman ine malabgan han presidential security service nga humagos hin haros 6 kaoras.
Nagkatitirok an mga taga-suporta ngan an mga anti-Yoon ha sentro han Seoul ha kaluyo han below zero degrees nga temperatura para ig-demand an pag-aresto kan Yoon, samtang an iba naman in nanawagan nga igpa-waray bisa an impeachment kontra ha Presidente.
Nakatalaan naman nga tikangan an impeachment trial ni Pres. Yoon dida hiton Martes, Enero 14, ngan magpapadayon ini bisan paman kun diri umatubang hi Yoon.
Kun inkaso naman magin malinampuson an pagserbi hin arrest warrant kontra kan Yoon, ine iton gisyasyahani nga nalingkod nga presidente han South Korea nga maaaresto.
