-- Advertisements --
TACLOBAN CITY – Ginpahayag han Department of Health (DOH) Regional Office 8 nga ha pagkayana in dire la gihapon nakarawat an Eastern Visayas Regional COVID-19 Testing Center (EVRCTC) hin walk in patients nga karuyag nga magpaswab test.
Sumala kan Marc Steven Capungcol, head han Regional Pidemiology and Surveillance Unit han DOH 8, ira ginsusunod an risk based prioritization kun diin kinahanglan nga magsunod la gihapon ha protocols kun hira hin-o an pwede o dapat nga igpailarom ha swab test.
Panuyuan gihapon hini nga dire magkaada hin kakulangan hin resources ha EVRCTC ngan sugadman malikayan an indiscriminate swabbing.
Nahibaruan nga pagkayana in maabot na ha 20,370 swab tests an gindumara han EVRCTC tikang han magtikang an operasyon hini.
