-- Advertisements --
Waray ginpagawas nga Temporary Restraining Order o TRO an Korte Suprema ha petisyon nga ginsumite han kampo ni Senator Bato dela Rosa.
Ini in kasumpay ha ginsumite nga Urgent Manifestation with Omnibus Motion ngan Extremely Urgent Supplemental Manifestation with Motion han kampo ni Dela Rosa agud aruon nga magpagawas an SC hin TRO agud pugngan an pag-dakop ha iya ha bisa han warrant tikang ha International Criminal Court.
Ha kaluyo hini, ginpapakomento han Supreme Court an respondents kaupod an Malakanyang ngan iba pa nga hataas nga opisyal han gobyerno ha petisyon nga ginhatag ha sakob hin tutulo ka-adlaw.
Samtang, gintagan gihapon hi Dela Rosa hin dire malahos 72 ka-oras nga magkomento tikang han makarawat han respondents an ira komento.
