Ginpagawas na han Malakanyang an pormal nga kamanduan ni Presidente Ferdinand Marcos Jr. nga nagmamando hin P50 kada kilo nga price ceiling ha imported nga bugas.
Ha ilarum han Executive Order No. 118, ginpapatuman an price cap ha bug-os nga nasud ha sakob han 30 ka-adlaw, labot na la kun mas sayo ini tatanggalon han presidente basar ha rekomendasyon han National Price Coordinating Council o NPCC.
Magbubuhat gihapon an NPCC hin review kada 15 ka-adlaw ugsa masabtan kun kinahanglan ipadayon, bag-uhon o tanggalon an price ceiling depende ha sitwasyon ha merkado.
Ginmandohan naman an Department of Trade and Industry, Department of Agriculture ngan Department of the Interior and Local Government nga siguraduhon nga mahugot nga naipapatuman an price cap ngan mabantayan an posible nga overpricing.
