-- Advertisements --
NATIONAL NEWS– Gindiwara ni Vice President Sara Duterte an himangrawon nga waray igdayon han 19th Congress an impeachment niya matungod nga ginhadlok hine hi Senate President Chiz Escudero.
Subay hiton Bise Presidente, kilala niya an senador nga usa nga matadong nga manbaralaod, sanglit nga imposible nga mahadlok ine ha iya.
Dugang pa hiton Bise, nga posible may iba nga mga rason an senado sanglit waray dayon kahingadayi an impeachment.
Sugadman naka-andam na an iya mga legal counsel pananglitan nga madayon an impeachment ala-kontra ha iya.
Manunumduman, gin-ugsod han senate president an impeachment matungod nga gahol na hira ha oras agud nga igproseso ngan ha pangandaman sanglit mas makaka-upay kun ha 20th Congress nala ine paghingadayan.
