Nanguna hi Presidente Ferdinand Marcos Jr. ha mga hagtaas nga opisyal nga nakakuha hin hitaas nga trust ngan approvals ratings.
Subay ha pinakaurhi nga nationwide survey han RPMD Foundation Inc., nakakuha hin PBBM hin 56% trust ngan 58% approval ratings.
Samtang, umubos naman hin gutiay an approval ratings ni Vice President Sara Duterte nga ada ha 51% pero la gihapon an may-ada pinakahitaas nga trust ratings nga 57% ha butnga han nagpapadayon nga mga kontrobersiya ngan istoryahon han impeachment.
Subay ha RPMD, kumusog an suporta kan Marcos ha Luzon ngan magin ha pira nga parte han Mindanao, samtang nagpapabilin nga madig-on an base ni Duterte ha Mindanao.
Samtang, nakakuhan hin 54% trust ratings ngan 56% approval ratings hi House Speaker Bojie Dy samtang, 51% trust ratings ngan 53% approval naman hi anay Senate President Tito Sotto.
Ha han-ay naman han gabinete, nanguna hi Department of Social Welfare and Development o DSWD Secretary Rex Gatchalian kumo top-performing Cabinet official kasunod hira Department of Education Sec. Sonny Angara, Department of the Interior and Local Government (DILG) Sec. Jonvic Remulla, Department of Public Works and Highways (DPWH) Sec. Vince Dizon, Executive Secretary Ralph Recto, ngan Department of Justice (DOJ) Secretary Eric Vida.
Gindumara an survey tikang han Abril 1 kutob Abril 8 ha 5,000 respondents nationwide.
