Ginpasarang han mga membro han Akbayan Youth an wanted posters han gintawag han mga ini nga international fugitive ngan accused mass murderer nga hi Senador Ronald “Bato” dela Rosa ha may kahilab-an han Kalayaan Avenue ha Quezon City dida han Lunes, Mayo 18.
Ini in kasunod han gin isyu nga arrest warrant han International Criminal Court (ICC) kontra ha anay Philipine National Police (PNP) chief.
Nakabutang ha nasabi nga poster an mga pulong nga “WANTED” for crimes against humanity, Bato Dela Rosa surrender to the ICC now!”
Ha usa nga poster, nakabutang an mga contact number han National Bureau of Investigation (NBI) ngan ICC, agud igpahibaro ha ira ha oras nga mabilngan hi Bato.
Ha usa nga pahayag, ginbatikos ni Akbayan Youth National Vice Chairperson Claire Lopez an padayon nga pagprubar ni Dela Rosa nga takasan an hustisya, ngan ginduon nga yinukot-yukot nga pamilya nga biktima han extrajudicial killings an padayon nga nagpapamulat hin hustisya.
