THE HAGUE, NETHERLANDS – Ginpalagan han common legal representative han drug war victims nga hi Atty. Gilbert Andres an argument han depensa nga dire ginkukunsinte han Duterte administration an “rotten police officers.”
Ha closing statement han Victims’ Counsel, ginmalatumat ni Atty. Andres nga waray pasakahi hin kaso nga criminal an police officers nga responsable ha pagkamatay han 3,967 drug personalities nga ginpatay ha drug operations tikang Hulyo 1, 2016 kutob Nobyembre 27, 2017 kun diin, klaro nga ginkunsinte han administrasyon nga tarihas naman ha sumat han mga ini.
Nagdig-on an Victims’ counsel nga mayda sakto nga ebidensiya agud kumpirmahon an mode of liability ha ilarum han Article 25 3a sugad han apela han prosekusyon.
Ha kaurhian, ginduon ni Atty. Andres nga mayda ginpresenta nga insakto nga ebidensya an prosekusyon agud makag-presentar hin substantial grounds agud mapamatuod nga nabuhat han anay presidente an mga krimen nga ginaakusar kontra ha iya.
